ሳይኮሎጂ

ዱባይ የታክሲ አገልግሎት የሚሰጥ አሽከርካሪ አልባ አነስተኛ ሄሊኮፕተር (ድሮን) ሞክራለች።ሄሊኮፕተሩ ድምጹ የማይረብሽና አነስተኛ መጠን ያለው ሲሆን፥ ባለፈው ሰኞ በዱባይ ተሞክሯል።የታክሲ አገልግሎት ይሰጣል የተባለው ድሮን ሁለት መንገደኞችንመያዝ የሚችል ነው።በሙከራ ወቅትም በጁሜይራ የባህር ዳርቻዎች በ198 ሜትር ከፍታ ላይ ለአምስት ደቂቃዎች ያክል የተሳካ በረራ አድርጓል ነው የተባለው።የአሁኑ ሙከራ ዱባይ በፈረንጆቹ 2030 ለያዘችውና፥ 25 በመቶ የከተማዋን ትራንስፖርት በአሽከርካሪ አልባ ተሽከርካሪዎችና ድሮኖች ለማድረግ የያዘችው እቅድ አንድ አካልነው።አሁን በጀርመናውያን የተሰራው ሄሊኮፕተር መሰል ድሮን፥ ለሁለት ሰዓታት ያክል ቻርጅ ከተደረገ በኋላ ለ30 ደቂቃ ያክል ያለ ማቋረጥ መብረር ይችላል ነው የተባለው።በሰዓትም 48 ነጥብ 2 ኪሎ ሜትር መጓዝ የሚችል ሲሆን እንደ አስፈላጊነቱ፥ እስከ 97 ኪሎ ሜትር የመብረር አቅም አለው።ለተጓዦቹ ደህንነትም መቆጣጠሪያ ቴክኖሎጅ የተገጠመለት ሲሆን፥ ምናልባት የከፋ አደጋ ከተሰተም ከአየር ላይ መውረጃ የሚሆን ተንሳፋፊ ፓራሹትም እንዳለው ተነግሯል።የመጀመሪያው በራሪ ታክሲም በቀጣዩ የፈረንጆቹ አመት ለገበያ የሚቀርብ ሲሆን፥ ዋጋ ግን አልተቆረጠለትም።ምንጭ፦ bloomberg.com